زين اني الي ذنب بيها

, مرة رجال اعمى العينين (اي قابل اعمى الخشم) ,, ديمشي بالشارع و شايل عصاية ,زلفة اليمنة فايت بنص حلكة و زلفة اليسرة ماكو انفااااااال خطية ما يشوف شلون يزين ما اعرف , كلي وليدي لطفا الشارغ فارغ ؟ كتله اي حجي روح بفالك و اني مشيت , على غفلة اسمع عييييييييع طراااااااااااخ ,,, و صوت فسسسسسس ,, التاير بنجر مدري الحجي ما اعرف , و العالم تركص (تركص شنو عرس هو) قصدي تركض و اتكول راح الحجي بعدة صغير عمره 73 السايق اللي ضربة شنيمه فوك القمارة ,, الحجي ديلبط خابروله المطافي عال سريع و هكذا ,,,

زين اني الي ذنب بيها ؟

مرة واحد فوك ديبني بعمارة عالية صاعد عال رافعة ,, شاف واحد كرشة متر كبير الراس عريض القدمين وكيح الحاجبين مقمبر الجهرة عويص الانف ,, اللي هو اني جنت دا اتدحرج بصورة امامية ضحك على شكلي و من الضحك فلتت رجله و وكع من فوقا و 4 ايام يلا وصل للكاع بحيث اتوقع مات من الضوجة و من اصطدم بالتبليط اللي لكو منه ياخة و قبغ مال قلم جاف و هسة جائزة للي يلكي اللوزتين مالته او اظفر اصبع رجلة الصغير حتى لا يبقة التابوت فارغ عبالهم ناصبين عال عالم و الميت طالع بشغلة ,,

زين اني الي ذنب بيها ؟؟؟

دا امشي افقيا فد يوم دا اروح للصيدلية لان معوز جكاير فاتت سيارة مال كهرباء عرفتها لان مكتوب لي ورة 4 ب 2 انزيدها منين ,, و كلولي ابني اكو كهرباء بالمنطقة؟ كتلهم لا والله ولو هية ما تنكطع اصلا لان اصلا ماكو المهم صعد واحد عال اسلاك و على غفلة جتي الكهرباء ,, نييياااهاا و انشمر عال كاع و سوة برييط و تفل 3 مرات و مات ,,, و بينما جماعتة جانو مصاليخ يلطمون عليه اني جنت بالصيدلية دا اسال على كنت 9 و ام الصيدلية الثولة اتكلي ابر لو كبسول؟

زين اني الي ذنب بيها؟؟؟

مرة هم دا امشي بالشارع بصورة مطلقة (شنو؟؟) و جنت ضايج لان كرشي بدة ينزل حتى كلت اروح للبنجرجي اشوف منين دا اينفس و اشد كرش جوبليس و افضها ,, المهم ,, فاتت سيارة بيها رجال جبير كلش ,, ولو اني مو عالم اثار بس قدرت عمره 346 سنة و ميت صارله 19 سنة و ضام على اهله ,, كلي ابني الشارع مفتوح منا؟؟
كتله اي حجي و السلام امانة لحمورابي ,, فات الحجي و سمعت صوت طاطاطاطاطاطا

اثاري الامريكان بالشارع جانو و شاكين بالحجي عبالهم خماسي هو سيارته الفيات موديل الف و تسعميةو تحسين ,, و زرفو للحجي و هسة مرته دا تستعملة جفجير لان الظاهر استحيفت دتفنة او هو كاتب بالوصية اريد اصير جماد ورة ما اموت ما اعرف

زين اني الي ذنب بيها ؟؟