نكت حنفشاريه

واحد شرب كهوة غص بالكراسي
واحد راح لراس الشارع ملقاه
واحد طب زار طلع طاولي
واحد اجتة ضربة تايها دلاها
واحد طب سبح طلع كلايد
واحد انطفت جكارته دفعها
واحد مرته بيضة طكها بالدهن
واحد وكف كلبه شغله جطل
واحد مرته صينية قدم بيها جاي
واحد طلع ومن يرجع اكملك
واحد راح لباب الشرجي لكاه مسدود
واحد احتركت اعصابه انجوه
واحد راد يبني مستقبل ملكه طابوق
واحد عيونه خضر شرهم على الحبل
واحد سجينته عمية لبسها مناضر
واحد نصه التلفزيون عبر من فوكاه
واحد دشداشته عريضة شدلها طابع
واحد لبس عسكري شافه ضيق نزعه
واحد ضرب دالغه كتلها مكانها
واحد ضربه الهوا تعارك وياه
واحد كعد ويا نفسة مقبلت
واحد طبك حسه وخلاه بالكنتور
واحد انهزم النوم من عينه ركض وراه
واحد فاته الوكت اخذ تاااااااي وراح وراه
واحد شد حيله انقطع
واحد اكل شيش كباب زنجرت بطنه
واحد قدم عريضة طلعت رفيعة
واحد ضغط على نفسه انااااااارت
واحد الفار لعب بعبه ذبله مصياده
واحد رسم دائرة وتعين بيها
واحد سوا خطة حصر نفسه
واحد راح للشعلة لكاها مطفية

واحد مرته صينية قدم بيها جاي


عجبتني هاي

اللي ألفهم خياله واسع ههههههههه